Ndërsa vendi ka hyrë në ditën e gjashtë të shtetrrethimit, Gazeta Panorama ka siguruar pamjet me dron në autostradën Tiranë-Durrës.
Vetëm pak ditë më parë, aty lëvizte një fluks i madh makinash ndërsa tani ka rënë heshtja.
Shumë pak automjete shihen duke ecur në autostradë, ndërsa pjesa më e madhe e saj është bosh.
Qeveria shqiptare ka dhënë urdhërin që në rrugë mund të lëvizin vetëm automjete me autorizim ose për raste emergjente.
Ndërsa vendi vazhdon të jetë ende në frikën e përhapjes së koronavirusit. Deri tani numri i rasteve të regjistruara me virusin ka shkuar në 59 ndërsa numri i viktimave shkoi në 2 mëngjesin e sotëm.
Ende nuk dihet për sa kohë do zgjasë kjo situatë, por qeveria bën apel për zbatimin e rregullave në mënyrë që të parandalohet shtimi i numrit të të infektuarve.