VIDEO / Uzuni është i pandalshëm, 2 asiste për të kualifikuar Ferencvaroshin. Tani sfidon Olajinkën në Champions

Jul 27, 2021 | 21:18
SHPËRNDAJE

Myrto Uzuni duket qartësisht se dëshiron me çdo kusht që të kthehet në skenën më të rëndësishme të futbollit për klube, fazën e grupeve në Ligën e Kampioneve. Ndaj sulmuesi shqiptar po përsërit paraqitjet e shkëlqyera të edicionit të kaluar, duke tentuar që të çojë përsëri ekipin e Ferencvarosh drejt atij objektivi.

uzuni

Skuadra ka kaluar turin pikërisht falë magjive të shqiptarit, i cili ka shkëlqyer në sfidën e dyfishtë Prishtinës dhe e ka bërë të njëjtën gjë edhe ndaj Zalgiris, duke siguruar praninë në turin e tretë për skuadrën e tij. Nëse në ndeshjen e parë, në suksesin 2-0 ai gjeti vetë rrugën e rrjetës, sot ka ndihmuar Mae që të shënonte 2 gola dhe vinte kualifikimin në kasafortë me asistet e tij.

Trajneri e uli në stol sulmuesin shqiptar në minutën e 77 të sfidës, e cila u mbyll më pas me shifrat 3-1 pasi secila nga skuadrat shënoi nga një gol në minutat shtesë. Tashmë për ekipin e tij do të jetë një sfidë më e komplikuar, pasi përballë do të jetë Slavia e Pragës ku luan Peter Olajinka.


PANORAMASPORT.AL

 

© Panorama.al

Te lidhura