Dorë për dore me bashkëshorten e tij Melanie, Donald Trump bëri një ndalesë të shkurtër përpara gazetarëve që ishin mbledhur pranë Shtëpisë së Bardhë, e më pas iu drejtua helikopterit të famshëm presidencial ‘Marine One’, e pasi përshëndeti sërish me dorë, u largua për herë të fundit duke i dhënë sot fund presidencës së tij 4 -vjeçare.
Trump foli shkurtimisht me gazetarët ndërsa u largua, duke thënë se kishte arritur shumë në detyrë dhe se ai dhe gruaja e tij Melania e donin popullin Amerikan, shkruan “The Guardian”.
“Shtëpia e Bardhë ishte shtëpia më e madhe në botë. Ne kemi pasur një katër vjeçar të mahnitshëm dhe kemi arritur shumë. Ne e duam popullin amerikan dhe ka qenë diçka shumë e veçantë”, shtoi ai.
Melanie Trump kishte zgjedhur për të veshur një kostum të zi këtë ditë të fundit edhe për të në Shtëpinë e Bardhë, si Zonjë e Parë.
Donald dhe Melanie Trump udhëtuan me helikopter në Joint Base Andrews, në Maryland, ku do të mbahet një ceremoni përfundimtare e lamtumirës së Presidentit.
Pas kësaj ceremonie, Trump do të udhëtojë në Florida me Air Force One dhe do të jetojë në vendpushimin e tij Mar-a-Lago në Palm Beach.
