Myrto Uzuni sërish protagonist në Kroaci. Sulmuesi shqiptar, ka shënuar ditën e sotme në takimin që Lokomotiva e Zagrebit luan në transfertë ndaj Rijekës.
Vendasit patën kaluar në avantazh në minutat shtesë së pjesës së parë, por sapo nisi e dyta, Lokomotiva gjeti golin e barazimit.
Uzuni gjeti një hapësirë duke i shpëtuar mbrojtjes, dhe doli i vetëm me portierin kundërshtar. Beratasi, goditi saktë me të djathtën dhe barazoi shifrat e takimit në minutën e 49-të.
Ndërkohë, ai festoi edhe me shenjën e telefonit, ndoshta duke bërë thirrje një për ftesë që nuk i erdhi nga Kombëtarja në ndeshjet e tetorit. Uzuni u la në listën e pritjes nga trajneri Reja, që do të jetë i gatshëm për çdo rast për Kombëtaren.
PANORAMASPORT.AL
NDIQE LIVE "PANORAMA TV" © Panorama.al
