Këtë të shtunë, u zhvillua funerali shtetëror për disa nga viktimat e shembjes së urës Morandi, ndërsa të tjera familje preferuan të zhvillonin ceremoni mortore private.
Në funeralin shtetërore, pas përfundimit të ceremonisë katolike për dhënien e lamtumirës viktimave, fjalën e mori një imam për ti dhënë lamtumirën e fundit dy shqiptarë që mbetën viktimë e ngjarjes tragjike: Admir Bokrina 28 vjeç dhe Marius Djerri 22 vjeç, të dy të fesë myslimane, raporton italiania “La Repubblica”.
Një përfaqësues i komunitetit mysliman në Genova lexoi më pas një mesazh paqeje dhe një lutje për viktimat, të lënduarit e ekipet e shpëtimit që punojnë për të nxjerrë personat që ende janë nën rrënoja.
Genova që në arabisht do të thotë “E bukura” do të dijë të ringrihet, tha mes të tjerash ai.
PANORAMA
NDIQE LIVE "PANORAMA TV" © Panorama.al
