Kryetarja e komisionit hetimor për inceneratorët Jorida Tabaku i ka bërë llogari kryeministrit Rama atë për të cilën opozita beson se afera e impianteve të mbetjeve i kushton shqiptarëve 430 milion euro.
Por ndërkohë që Tabaku fliste, kreu i qeverisë ka qeshur dhe i ka rënë dhe tavolinës me dorë duke iu drejtuar demokrates “Seriozisht e ke?”.
“Ju prej kaq muajsh i thoni shqiptarëve që ju kanë vjedhur 430 milionë kur ju këtu bëni kalkulimin e parave të angazhuara për të pastruar Tiranën jo për kompaninë se kompania do pastrojë vetë, bashkitë do paguajnë për plehrat, deri në 2047 do paguajë. Ky është niveli më i lartë i paturpësisë së politikës shqiptare”, tha Rama.
Replikat
Rama: Janë vjedhur lekët e 2050? Mos ma thoni këtë larg qoftë të jetë kjo që keni bërë llogarinë deri në 2050 e lekët i kemi marrë ne që tani!
Tabaku: Për kontratën e Tiranës për të drejtat që i lndin koncensionarit për të zbatuar për 30 vite, për paratë e angzhuara për Elbasanin 24.7 mln euro për zbatimin e kontratës për Fierin 30.6 mln euro deri në këtë moment
Rama: E pabesueshme kjo nxjerr 430? ca llogarie po bën?
Tabaku: Pyejet po i bëj unë kërkoj respekt, 360 mln euro kontrata e Tiranës për 30 vite, në total janë 430 mln euro.
Rama shkrihet së qeshuri në këtë moment.
Tabaku: S’e kuptoj lumturinë që ke angazhuar 430 mln euro
Rama: Domethënë paratë që do angazhohen deri në 2047 i keni thënë shqiptarëve që janë vjedhur? seriozisht?
Tabaku: Ule zërin e fik mikrofonin se po flas
Rama: seriozisht? Seriozisht e ke?
Tabaku: Kjo shtuar të drejtën për të shitur energjinë me një vlerë 130 mln eur, skrapin 70 mln euro, e bëjnë shumën më shumë se 430 mln euro, shqetësimi në këtë rast …s’më duket ndonjë gjë për të qeshur, këto janë para…
Rama: O zonjë a e kuopton ca po thua? Paratë e parashikuara për të pastruar Tiranën deri në 2047 i ke thënë shqiptarëve që janë vjedhur e kupton apo jo? uaa. Të jesh e sigurt që tani qesh cdo shqiptar që kupton se cfarë ndodh. Deri në 2047 është parashikuar
Tabaku: Nëse shqiptarët qeshin me këtë sjellje që nuk është e përshtatshme për këtë komision…
Rama: Pyeja ku është tani?
Tabaku: A gjykoni që shteti duhet ti ndalojë pagesat për këto kontrata?
Rama: Jam realisht i keqardhur e them pa asnjë ironi që ju jeni vënë në dispozicion me zë e figurë kësaj cmendurie që është normale për Lulzim Bashën por s’duhet të ishte normale për një profesioniste si ju pretendoni e jeni e nuk dyshoj që keni studiuar e kam të pamundur të besoj që ju i besoni këto që thoni.
Ju prej kaq muajsh i thoni shqiptarëve që ju kanë vjedhur 430 milionë kur ju këtu bëni kalkulimin e parave të angazhuara për të pastruar Tiranën jo për kompaninë se kompania do pastrojë vetë, bashkitë do paguajnë për plehrat, deri në 2047 do paguajë. Ky është niveli më i lartë i paturpësisë së politikës shqiptare.
NDIQE LIVE "PANORAMA TV" © Panorama.al
