Një zonjë “pasanike” nga Britania u arrestua pasi shpenzoi më shumë se 40.000 paund në dyqanet më të shtrenjta të Milanos, me kartë të klonuar.
31-vjeçarja e cila të jep përshtypjen e një zonje të pasur, e veshur mirë, me telefon të shtrenjtë e me një lirshmëri të madhe në blerjen e produkteve më të shtrenjta të “Louis Vuitton”, është arrestuar nga policia, pasi stafi i dyqanit dyshoi për shumat marramendëse që po shpenzonte.
Ajo po mbahet në paraburgim në Milano. Policia ka thënë se kartat e përdoruar nga britanikja kanë qenë të biznesmenëve të ndryshëm belg dhe dyshohet se ajo është pjesë e një stafi të organizuar hajdutësh.
NDIQE LIVE "PANORAMA TV" © Panorama.al