Erling Haland, sulmuesi norvegjez i Salcburgut vazhdon të shënojë pa pushim këtë sezon në kampionat dhe në Champions. Në sfidën e djeshme ndaj Napolit, sulmuesi nuk ka harruar të vendos vulën e tij, në barazimin 1-1 kundër Napolit.
Haland ka arritur të shënoj ndaj Genkut, Napolit dhe Liverpulit duke shkuar në kuotën e shtatë golave në katër ndeshjet e para në Ligën e Kampionëve.
Sulmuesi norvegjez është futur në histori me golin që shënoi ditën e djeshme ndaj Napolit, ku sipas “Optas”, ai bëhet lojtari i katërt në historinë e Ligës së Kampionëve, i cili shënon në katër ndeshjet e para.
I pari që e ka arritur këtë ishte Ze Karlos i Portos, më pas Del Piero dhe në fund Diego Kosta me fanellën e Atletikos se Madridit.
/PANORAMASPORT.AL/
NDIQE LIVE "PANORAMA TV" © Panorama.al
