Interi i Luciano Spaletit është rikthyer te fitorja në Seria A, pasi ditën e sotme mundi Bolonjën në shtëpi me rezultatin 2-1. Interi merr fitoren e parë për ketë vit, pasi zikaltrit nuk fitonin në Seria A që prej sfidës ndaj Kievos në 3 dhjetor.
Gjithsesi as kjo e sotmja nuk ka qenë e lehtë për Interin, që kaloi në avantazh që në minutën e dytë me anë të Eder. Por, Bolonja e suprizoi në minutën e 25-të, kur ish-sulmuesi i Interit, Rodrigo Palasio vendosi baraspeshën.
Si për çudi, rikthimin te fitorja Interit ia dhuroi një talent. 19-vjecari Karamoh shënoi golin e avantazhit për të gozhduar këto shifra deri në fund të lojës. Bolonja e mbylli këtë sfidë me 9 lojtarë, pasi dy lojtarë të saj u ndëshkuan me karton të kuq.
NDIQE LIVE "PANORAMA TV" © Panorama.al
