Për herë të fundit, Apolonia ka fituar ndaj Tiranës më 26 shtator 2009 (dëshmitar i vetëm i asaj date është kapiteni bardheblu Erando Karabeci).
Në atë kohë fierakët drejtoheshin nga trajneri karizmatik Esad Karishik, i cili ndërtoi një nga skuadrat më të mira gjatë të gjithë historisë së klubit fierak. Apolonia u rendit e treta fazën e parë të atij sezoni, me pikë të barabarta me Dinamon e vendit të dytë, ndërsa në fund të sezonit ra nga kategoria.
Çudira fierake! Dhe që atëherë, skuadra ka lundruar në ujëra të turbullta, duke milituar gjithmonë e më shumë në Kategorinë e Parë e ndaj Tiranës ka harruar dhe shijen e golit, le më të pikëve.
Për nostalgji, sidomos të tifozërisë fierake, “Panorama Sport” po risjell skedën e fitores së fundit të Apolonisë, datuar më 26 shtator 2009. Sot, të dyja ekipet janë në Kategorinë e Parë.
Apolonia po kalon momente të vështira dhe duket shumë e largët viti i rikthimit. Ndërsa Tirana ka si objektiv kryesor vendin e parë në fund të këtij kampionati.
NDIQE LIVE "PANORAMA TV" © Panorama.al
