Për herë të parë, kryeministri Rama ka reaguar për video-skandalin me ish-kreun e Bashkisë së Peshkopisë, i cili akuzohet për kërkim të favoreve seksuale në këmbim të një vendi pune.
Rama ironizon debatin per Shikriun by gazeta-panorama
Ndonëse kanë kaluar disa ditë nga publikimi i videos, kreu i Qeverisë ka zgjidhur të bëjë një batutë për këtë ngjarje gjatë një bashkëbisedimi me sipërmarrësit në vend.
“Unë e di se është seksi të bësh një debat për skandalet që ndodhin me disa persona që duan të bëjnë punësime të tilla, e kam fjalën për 2, 5 apo 10 raste.
Por me rëndësi është që të krijojmë një brez me persona të kualifikuar në profesionet që kërkon tregu”, tha kryeministri Rama.
Ish-kreu i Bashkisë së Peshkopisë, u arrestua pak ditë pas videos së bërë publike nga 20-vjeçarja me iniciale A. A., e cila e kishte filmuar atë duke i kërkuar favore seksuale në këmbim të një vendi pune. Xhelili u arrestua dhe do te gjykohet për shpërdorim detyre.
NDIQE LIVE "PANORAMA TV" © Panorama.al
