Mediat greke kanë publikuar momentet e plota nga video e ekzekutimit të biznesmenit australian Janis Makris. 46-vjeçari u vra në rezidencën e tij në Athinë sapo kishte hyrë në makinë.
Sipas videos duket që biznesmeni apo është futur në makinën e tij, është qëlluar nga një person që afrohet me vrap dhe hap zjarr.
Edhe pse mori disa plumba biznesmeni ka tentuar që të largohet nga vendi i ngjarjes, por vrasësi i ka dalë nga anë tjetër e makinës dhe e ka qëlluar sërish disa herë më armë.
Atentati ndodhi mbrëmjen e 31 Tetorit në kryeqytetin grek. Sipas mediave austrialiane, dyshohet se vrasësi ka qenë shqiptar, vrasës me pagesë.
Shtypi grek shkruan se 46-vjeçari Janis Makris njihej si bosi i mafias në Australi dhe ishte i përfshirë në trafiqe.
Prej disa vitesh ai jetonte në Greqi dhe aty nuk rezultonte si person me precedent penal. Nga hetimet e policisë greke dyshohet se Makris mund të jetë vrarë si pasojë e përplasjes mes bandave të drogës në Athinë.
NDIQE LIVE "PANORAMA TV" © Panorama.al
