Dy prindërit e 41-vjeçari, Ajet Zeqaj, i ekzekutuar me 16 mars në zonën e ish-Bllokut, i kanë dërguar një letër Prokurorit të Përgjithshëm Adriatik Llalla dhe përfaqësuesve të trupit diplomatik.
Në letrën e tyre, Fejzi dhe Resmije Zeqaj kërkojnë ndihmë për zbardhjen e vrasjes pasi sipas tyre të dyshuarit kryesore janë vëllezërit e ish-bashkëshortes.
Sipas tyre divorci mes Ajetit dhe Leonorës erdhi për mos përputhje të besimit fetar, pasi kjo e fundit u konvertua në besimtare të Jehovait.
“Rama dhe shteti të ma nxjerrë në dritë djalin tim që i hodhën shtatë plumba dhe i tha shit shtëpitë që luani se pusinë te dera e ke”, tha nëna e 41-vjeçarit të vrarë.
“Unë si baba akuzoj vëllezërit e ish-bashkëshortes së Ajet Zeqajt”, shprehet Fejzi Zeqaj për “Tv Klan”.
Ajet Zeqaj u ekzekutua me silenciator në oborrin e pallatit të banesës së motrës së tij nga një person ende i paidentifikuar.
NDIQE LIVE "PANORAMA TV" © Panorama.al
