Mijëra protestues sfiduan masat e qeverisë për ndalimin e tubimeve në sheshet kryesore të vendit, duke protestuar pasditen e së dielës ndaj samitit të OKB-së për klimën që pritet të mbahet të hënën.
Protestuesit dolën në sheshin “Republika” duke hedhur objekte të ndryshme kundër policisë si shishe qelqi e sende të tjera të forta. Kjo shkaktoi një reagim të fortë nga forcat e policisë duke përdorur gazin lotsjellës dhe duke arrestuar 300 prej tyre.
Organizatorët e protestës kërkua gjithashtu edhe heqjen e ndalimeve për të protestuar – masë e cila është marrë nga qeveria pas sulmeve terroriste që goditën vendin më 13 nëntor.
Gjatë përplasjeve mes protestuesve dhe policinë, mediat ndërkombëtare thonë se është prishur edhe vendi ku kryheshin homazhe për viktimat e sulmeve terroriste.
Aktualisht, raportohet për 100 persona të ndaluar, ndërsa dhjetëra të tjerë janë plagosur nga përleshja me policinë.
Trazirat në Paris vijnë një ditë para se qyteti të presë rreth 100 krerë shtetesh për samitin e klimës.
Për zhvillimin e samitit është planifikuar që rreth 100 krerë shtetesh dhe qeverish të jënë prezent të hënën në hapjen e Konferencës së 21-të të Klimës Globale – mes tyre Presidenti i SHBA Barack Obama, Presidenti rus Ëladimir Putin dhe Presindenti kinez Xi Jinping.
NDIQE LIVE "PANORAMA TV" © Panorama.al