Kukësi zhvilloi stërvitjen e radhës në kompleksin “Pezë-Helmes” duke vijuar përgatitjet për ndeshjen e kthimit ndaj Karabakut, që do të zhvillohet ditën e mërkurë në orën 19:00.
Trajneri Armando Cungu në stërvitjen e sotme, ka punuar me ushtrime taktike, duke i udhëzuar lojtarët për detyrat e tyre, të cilat duhet të zbatohen me përpikëri ditën e ndeshjes.
Tekniku shkodran do të tentojë të surprizojë ekipin azer në sfidën e kthimit për të synuar kualifikimin historik. Në stërvitjen e sotme nuk mungoi as afrimi më i ri në skuadër, Rexhinaldo, i cili me shumë gjasa do të aktivizohet në përballjen ndaj Karabakut.
NDIQE LIVE "PANORAMA TV" © Panorama.al