UPDATE/ Një automjet tip “Fiat” me targa ‘AA894 IY’ është përfshirë nga flakët pasditen e së mërkurës në Tiranë.
Ngjarja ka ndodhur pranë zonës së ‘Porcelanit’, ndërkohë që forcat zjarrfikëse shkuan në vendngjarje duke normalizuar flakët.
Nga ky incident nuk raportohen persona të lënduar, ndërsa burime nga Policia e Tiranës thonë se shkak i zjarrit mund të ketë qenë një shkëndijë elektrike.
Fillimisht, drejtuesi i mjetit me iniciale SH.Z. ka konstatuar tym në makinën e tij gjatë ecjes dhe menjëherë ka ndaluar, por pa mundur të shuaj flakët që përfshinë të gjithë mjetin.
Dëshmitarët pranë zonës treguan se pas ndalimit të mjetit është dëgjuar dhe një shpërthim i lehtë.
NDIQE LIVE "PANORAMA TV" © Panorama.al
