Maliqi arriti një fitore për “infarkt” ditën e sotme në sfidën ndaj Naftëtarit, duke qëndruar në krye të Grupit B në Kategorinë e Dytë.
Juglindorët iu falën një penalltia në minutën e 95-të, të fituar nga Muçollari gjatë një dyluftimi me mbrojtësin kundërshtar, i cili ndërhyn në mënyrë të gabuar ndaj futbollistit të Maliqit.
Ky vendim i gjyqtarit Silvio Dyrmishi, tërboi vendasit, të cilët nuk i kursyen protestat e shumta, gjithsesi arbitri nga Elbasani ishte i bindur në vendimin e tij.
Vlen të theksohet fakti se Naftëtari e mbylli ndeshjen me 10 lojtarë pas ndëshkimit me karton të kuq të Kopaçes. 11-metërshi u shndërrua në gol nga kapiteni Arlind Xaka, duke i siguruar 3 pikë të arta skuadrës maliqare, e cila në ndeshjen e radhës pres Butrintin në shtëpi, në sfidën që pritet të përcaktojë fatet e sezonit, për sa i përket skuadrës që do të ngjitet në Kategorinë e Parë.
PANORAMSPORT.AL
NDIQE LIVE "PANORAMA TV" © Panorama.al
