Pas konflikteve që patën në çift, Niko dhe Edmonda Trimi i kanë premtuar njëri-tjetrit se nuk do të përsërisin gabimet e së shkuarës. Prindërit e tri vajzave të vogla nga Karbunara e Lushnjës u pajtuan duke festuar publikisht këtë moment.
Një video e publikuar nga televizioni “Klan”, tregon se si dy bashkëshortët festojnë këtë moment. Në materialin filmik Trimi i kërkon bashkëshortes së tij që të hiqte dorë nga telefonatat. Nga ana e saj Edmonda Trimi kërkoi që bashkëshorti të mos e keqtrajtojë.
Ngjarja nisi pas konflikteve në çift, ku Edmonda Trimi u largua nga shtëpia, ndërsa bashkëshorti i saj Niko Trimi, denoncoi gruan për dhunën në familje dhe tradhti.
Për këtë çështje u zhvillua edhe një seancë gjyqësore dhe në përfundim, trupi gjykues vendosi që Edmonda Trimi të lihej e lirë pranë fëmijëve të saj.
Biseda mes Edmonda dhe Niko Trimit:
Bashkëshortja: Më jep fjalën që s’do bësh më dhunë në familje dhe s’do më keqtrajtosh.
Trimi: Fjalën ta kam dhënë për çdo gjë
Bashkëshortja: Do zihesh më?
Trimi: Vetëm nga telefonatat hiq dorë
Bashkëshortja: Kam heq dorë nga çdo gjë
Trimi: Për çdo kërkesë do ta plotësoj unë (i jep dorën)
Bashkëshortja: Betohu për fëmijët!
Trimi: Jo, fëmijët janë engjëj, s’kam pse…
Bashkëshortja: Fjalën e burrit?
Trimi: Fjalën ta kam dhënë sa herë ma ke kërku.
Bashkëshortja: Mirë, pajtohemi (përqafohen)
NDIQE LIVE "PANORAMA TV" © Panorama.al
