Ai u arrestua në fund të një ndjekjeje të guximshme nëpër rrugët e qendrës së qytetit dhe në periferi të Pistoia-s, pasi kishte refuzuar të ndalonte gjatë tre thirrjeve të policisë dhe karabinierëve.
Bëhet fjalë për një 24 vjeçar shqiptar me precedentë të mëparshëm penal dhe marrës i një urdhri dëbimi. Ai drejtonte automjetin pa sigurim dhe pa patentë.
Si nisi ndjekja
Policët e patrullës kontrolluan një makinë në Piazza San Francesco në Pistoia. Ndërsa njëri nga dy policët po shkonte drejt shoferit, ky i fundit u largua me shpejtësi dhe humbi gjurmët. Makina e arratisur u gjurmua pak më vonë në Corso Gramsci. Prej andej një ndjekje e gjatë nisi nga ana e patrullës, ndërsa iu shtua edhe një patrullë tjetër policisë. Burri udhëtoi me shpejtësi shumë të madhe në të gjithë qendrën e qytetit, duke marrë rrugë të ndryshme kundër trafikut, pavarësisht nga prania e mundshme e njerëzve dhe makinave që kalojnë në drejtim të kundërt.
Ndjekja vazhdoi jashtë qytetit: në Masotti, drejt Montecatini, ku një patrullë tjetër urdhëroi ndaljen e të arratisurit i cili, për herë të tretë, e shpërfilli atë. I arratisuri më pas humbi kontrollin e automjetit duke u përplasur në një shtyllë, por vazhdoi të arratisej në këmbë. Ai u bllokua më pas me shumë vështirësi. Gjatë kapjes, 24-vjeçari dyshohet se plagosi një nga agjentët e policisë. Pas vërtetimit të arrestimit, burri u vu në dispozicion të autoritetit gjyqësor, ndërsa mbi të rëndojnë disa akuza.
NDIQE LIVE "PANORAMA TV" © Panorama.al
