Një anije ruse e mallrave është fundosur në brigjet e provincës Bartin të Turqisë në Detin e Zi dhe dy anëtarë të ekuipazhit janë gjetur të vdekur në det.
Guvernatori i Bartin, Sinan Guner tha se anija e mallrave, ARVIN, u fundos në brigjet e rajonit Inkumu në një mot të keq, sipas agjencisë shtetërore të lajmeve. Ai tha se pesë nga 13 anëtarët e ekuipazhit ishin shpëtuar deri më tani.
Shkaku i incidentit nuk u bë i qartë menjëherë. “Deri më tani, pesë njerëz janë shpëtuar. Trupat e pajetë të dy personave u tërhoqën në anijen (e shpëtimit) ”, tha guvernatori.
Guner tha se operacionet e shpëtimit ishin duke u zhvilluar pavarësisht nga kushtet e këqija të motit. Ai shtoi se anijeve civile u ishte kërkuar gjithashtu për të ndihmuar.
Ai tha se varkat e shpëtimit që mbanin anëtarët e ekuipazhit, të gjithë janë shtetas rusë, mund të shiheshin 600-700 metra nga bregu dhe se një anije e Marinës po ndërhynte në operacion. Ministria turke e mbrojtjes konfirmoi se kishte vendosur një anije për të ndihmuar në operacionet e shpëtimit.
NDIQE LIVE "PANORAMA TV" © Panorama.al[Video] #Turkey: Russian-flagged ship sinks off Black Sea coast https://t.co/WmV4oEWDMm pic.twitter.com/sqNukU5vLA
— ANADOLU AGENCY (ENG) (@anadoluagency) January 17, 2021
