Milan ka fituar 2-0 ndaj Fiorentinës në takimin e vlefshëm për Javën e 20 në Serinë A. Një gol i Karlos Bakas në minutën e 4′ të pjesës së parë dhe një tjetër gol i realizuar nga Boateng në minutën e 88′ të pjesës së dytë, bënë që kuqezinjtë të riktheheshin te fitorja pas disa javësh.
Ky rezulat e ngjit Milanin në vendin e 6 me 32 pikë, tri pikë larg Romës që barazoi 1-1 me Veronën këtë të diel.
Rezultati pozitiv duket se shuan zërat për shkarkimin e Mihajloviçit. Kohët e fundit ai ishte në qendër të kritikave në shtypin italian për rezultatet e dobta të ekipit.
Në këtë ndeshje Mihajloviç i dha mundësinë Balotelit të luante pesë minutat e fundit. Sulmuesi kishte më tepër se 4 muaj që qëndronte jashtë fushës së blertë për shkak të një ndërhyrje kirurgjikale.
NDIQE LIVE "PANORAMA TV" © Panorama.al