Kuqezinjtë e Kombëtares shqiptare të futbollit si Alban Meha dhe Berat Gjimshiti janë bërë protagonistë me golat e tyre në kampionatet respektive ku aktivizohen. Meha ka shënuar këtë të diel në kampionatin turk dhe Gjimshiti ka realizuar një tjetër gol në kampionatin zviceran.
Goli i shënuar nga Gjimshiti në minutën e 30 të pjesës së parë në ndeshjen mes Zyrihut dhe Luganos, bëri që ekipi i tij të kalojë në avantazh 2-1.
Edhe pse ekipi i Zyrihut e kaloi lehtësisht këtë sfidë duke fituar me rezultatin 5-3, goli i Gjimshitit bëri që ekipi të rigjente sërish avantazhin pas barzimit 1-1 në minutën e 27′ nga Culiana.
Ndërsa, Alban Meha që luan në radhët e Konyaspor në Turqi ka qenë sërish vendimtar për skuadrën e tij duke realizuar golin vendimtar në fitoren që ata arritën sot në shtëpi ndaj Eksisehirspor.
Mesfushori i ka dhënë fitoren falë ekipit një goli të shënuar në minutën e 86′ duke treguar edhe njëherë vlerat e tij. Pas një ndeshje mjaft të bukur e cila ishte fiksuar me rezultatin 2-2, Meha ka bërë realizuar një gol vendimtar që i jep Konyasporit një fitore tepër të rëndësishme dhe që e mban në vendin e 7 me 19 pikë duke synuar Kupat e Europës.
Alban Meha Goal – Konyaspor 3 – 2 Eskisehirspor… by sporttvks