VIDEO/ Maks Velo mbështet Bashën: Nëse Teatri hidhet në erë, edhe pallatet do hidhen në erë!

SHPËRNDAJE

“Dhe nëse ai hedh këtë (Teatrit) në erë, pallatet do hidhen në erë”. Kështu deklaroi Maks Vela nga foltorja e krijuar rishtazi para Teatrit Kombëtar, duke mbështetur deklarata e bëra më herët nga Lulzim Basha, i cili i dha një mesazh firmës Fusha: të mos bëhet vegël në procesin e grabitjes së pasurive publike të shqiptarëve, sepse nuk ka asnjë shans të gëzojë frutet e një ndërmarrjeje të tillë kriminale.

MAKS VELO

“Kishte një gjë tjetër sot Basha me shumë rendësi, që paralajmëronte Fushën që ato pallate do hidhen në erë në bazë të ligjit antimafia, kjo ishte gjëja më me rëndësi. Paralajmëronte Fushën që pallatet janë të paligjshme në bazë të ligjit antimafia. Dhe nëse ai hedh këtë (Teatrit) në erë, pallatet do hidhen në erë. Se ça na doli një çudi që se dinja unë, që ai arkitekti na llogariste si sipërfaqe të Teatrit dhe këtu poshtë nën bark dhe thoshte: Po të doni dilni atje dhe bëni performanca dhe ka një kafe brenda 500 metra 2, se s’mjaftojnë kafet jashtë. Ja ky është ai Teatri i famshëm”, tha Maks Velo.

Deklarata e Maks Velos, min ’42 e videos

Më herët gjatë ditës së sotme, kreu i PD-së paralajmëroi firmën Fusha, se “nëse guxoni t’i vini minat Teatrit Kombëtar, të jeni të sigurtë, se minat do t’jua vënë edhe kullave tuaja, me ligj”.

“Sot duhet t’i jap një paralajmërim të qartë “Fusha shpk-së” dhe çdo kompanie tjetër që do të bëhet vegël përmes PPP-ve, tenderave dhe koncesioneve, në procesin e grabitjes së pasurive publike të shqiptarëve: nuk ka asnjë shans të gëzoni frutet e një ndërmarrjeje të tillë kriminale. Asnjë shans! Çdo veprim i Fusha shpk-së dhe i çdo entiteti tjetër, do të jetë subjekt i një ligji të amenduar antimafia; do t’ju fillojmë që ditën e parë të biznesit dhe në bazë të ligjit antimafia do t’ju sekuestrojmë çdo centimetër katror dhe çdo cent euro për shkeljet që do t’ju konstatojmë. Sikundër, nëse guxoni t’i vini minat Teatrit Kombëtar, të jeni të sigurtë, se minat do t’jua vënë edhe kullave tuaja, me ligj”, u shpreh Basha gjatë konferencës me gazetarët, më herët gjatë kësaj të premteje.

Neritan Licaj thirrje Metës: Je mbrojtësi i fundit i Kushtetutës, mos e detekto ligjin, mbro fëmijët e tu!

Gjatë fjalës së tij, aktori Neritan Licaj i ka bërë thirrje Presidentit Ilir Meta mos ta dekretojë ligjin për Teatritn, që parlamenti miratoi rreth dy javë më parë.

Në mungesë të Gjykatës Kushtetuese, kreu i shtetit është mbrojtësi i fundit i Kushtetutës, tha aktori.

“Zoti president më mbro mua, mbro qytetaret e tjerë të Shqipërisë, mbro fëmijët e mi, fëmijët e tu, nga ligje të tilla prej Arturo Ui-je, se në të ardhmen do jenë fëmijët e tu që do kërcënohej nga të tilla ligje”.

“Rrëzoni këtë ligj…. Mos harroni, qytetare u shikojnë. Historia po iu shikon, tregoni që jeni burrë shteti dhe jo burrë pushteti”, ishte thirrja e Liçajt .

Më herët gjatë ditës së sotme, aktorë dhe aktivistë të Aleancë për Teatrin, lëvizje e krijuar me synim mbrojtjen e Teatrit Kombëtar nga shembja, patën një takim me ambasadoren në largim të BE-së Romana Vlahutin. Në përfundim të takimit, por edhe gjatë protestë së pasdites së sotme, artistë dhe aktivistë thanë se kanë marrë nga Vlahutin konfirmimin se BE-ja është duke marrë në shqyrtim ligjin e kaluar në Parlament.

PANORAMA

Te lidhura

 

S'KA KOMENTE

Comments are closed.