VIDEO/ “Kam shkruar faqet e para”, Nard Ndoka provokon sërish: Do të bëj një biografi për karrierën në politikë

SHPËRNDAJE

Në librarinë e Drymades, kamera e “Edicionit Veror” ka hasur në edhe kreun e Partisë Demokristiane dhe deputetin Nard Ndoka, i cili zbulon për herë të parë për ABC News se po përgatit një jetëshkrim.

Gazetarja: “E ke menduar ndonjëherë të shkruash një biografi për jetën tënde”?

Nard Ndoka: “Për çdo njeri që ka pasur një rol, jam disa herë i zgjedhur në Parlamentin e Shqipërisë, kam drejtuar Ministrinë e Shëndetësisë, janë disa gjëra që mendoj se i kam bërë mirë, pse të mos jenë të shkruajtura diku, qoftë edhe si dokument familjar. Kam shkruar faqet e para. Mendja është gjë e madhe, librat ta pasurojnë.

Kreu i PDK, i cili mban në duar librin e shumëpërfolur “Zjarr dhe tërbim” nga Michael Wolff, shprehet se ka lexuar të gjitha librat e presidentëve amerikanë, por nëse do të shkruhej një libër për atë që ndodh pas dyerve të parlamentit shqiptar, ai thotë se politika shqiptare do t’ia kalonte edhe vetë Trumpit.

“Do t’ia kalonte edhe vetë Trumpit. Politika shqiptare është e komplikuar me ambientet e veta të mbidheshme e nëndheshme, me marrëveshjet”.

I pyetur nga gazetarja nëse e ka kuptuar këtë lloj politike, Ndoka shprehet se: “E kam kuptuar dhe prandaj kam rezistuar goxha në politikë”. /abcnews.al

Te lidhura

 

S'KA KOMENTE

Comments are closed.