Pasagjerët e një avioni të nisur nga Abu Dhabi për në kryeqytetin Indonezian, kanë kaluar momente paniku pasi avioni ka pësuar turbulenca të forta për 45 minuta.
Avioni ka nisur të lëkundet shumë fort ndërkohë që pas disa minutash pritej të ulej në destinacion, duke çarë një pjesë të kabinës e duke lënë të lënduar 31 persona. Pas minutave të tmerrit të cilat janë filmuar nga pasagjerët, avioni është ulur i sigurt në pistë.
Ndërkohë që linja nacionale ajrore e Emirateve të Bashkuara Arabe, ka deklaruar se avioni EY474 u godit nga disa valë të forta dhe të paparashikuara turbulence. Ata kanë shtuar se pas uljes së avionit, 9 pasagjerë dhe një person i ekuipazhit janë dërguar në spital pasi kishin marrë dëmtime serioze ndërsa pasagjerët e tjerë morën lëndime të lehta.
NDIQE LIVE "PANORAMA TV" © Panorama.al