Video e një paciente duke i rënë violinës ndërsa heq tumorin në tru është bërë virale në mediat sociale.
Dagmar Turner u filmua gjatë operacionit në King’s College Hospital në Londër.
Kirurgët i kërkuan 53-vjeçares që të luante në instrumentin e saj për të siguruar që aftësitë muzikore si voliniste profesionale nuk do i dëmtoheshin gjatë heqjes së tumorit.
Tumori, që ndodhej në lobin e saj frontal të djathtë, ishte afër zonëve të trurit, përgjegjëse për koordinimin e lëvizjes së dorës së saj të majtë.
Këto zona janë vendimtare për të luajtur në violinë dhe në disa pika, distanca e tyre nga tumori ishte shumë e vogël.
“Violina është pasioni im. Kam luajtur që kur kam qenë 10 vjeç,”- tha Turner. “Mendimi se do humbja aftësinë për të mos i rënë violinës më thyente zemrën.”
Dhe kjo ide gjeniale erdhi nga kirurgu Keyoumars Ashkan.
“Ne kryejmë rreth 400 heqje tumori në tru çdo vit dhe kjo është hera e parë që një paciente luan në instrument,”– tha ai.
Mjekët arritën ti hiqnin me sukses 90% të tumorit pa dëmtuar aftësitë e saj.
Ajo shkoi në shtëpi me burrin dhe djalin e saj tre ditë pas operacionit.