Sot ka filluar sezoni i 80-të i Superligës Shqiptare me kryendeshjen Skënderbeu-Partizani. Ndeshja garantonte spektakël por gjithashtu kanë ndodhur edhe episode që nuk i shkojnë përshtat një fillimi sezoni.
Teksa po luhej minuta e 62’ loja u ndërpre për vetëm 2 minuta pasi tifozët e Skënderbeut kishin ndezur tymuese.
Ndeshja filloi përsëri për tu luajtur normalisht për 10 minuta derisa situata degjeneroi në me tension në tribuna, tifozët filluan të futeshin në fushë dhe më pas u përleshën me njeri-tjetrin.
Pati edhe tifozë të plagosur të cilët u larguan me ambulancë në drejtim të spitalit. Duket se eksperimenti për të mos lejuar policinë e shtetit në stadiume qenka një dështim i madh.
NDIQE LIVE "PANORAMA TV" © Panorama.al