VIDEO/ “Dëmtimi i Strakoshës mashtrim”, deklarata tronditëse e ish-futbollistit: Ka dalë pozitiv me Koronavirus

May 26, 2020 | 8:41
SHPËRNDAJE

Ish-lojtari italian, Masimo Brambati ka tërhequr vëmendjen e të gjithëve me një deklaratë të fundit, ku thotë se portieri shqiptar, Thomas Strakosha ka rezultuar pozitiv me Koronavirus.

strakosha

Nga mediat italiane pak ditë më parë u njoftua se shqiptari kishte pësuar një dëmtim në stërvitje me Lacion, por Brambati thotë se kjo ka qenë një mashtrim, duke shtuar se lojtari bëri tamponin dhe ishte pozitiv.

Gjithashtu në lidhjen live në “Instagram”, ish-futbollisti italian u  hpreh se pozitiv me Koronavirus ka rezultuar edhe Kesi i Milanit, ndonëse diçka e tillë nuk është raportuar.

“Janë dy lojtarë që kanë dalë pozitiv me Koronavirus, një i Milani dhe një i Lacios. Nga të kaltrit pozitiv ka rezultuar portieri Strakosha, për të cilin thonë se ka një dëmtim në këmbë, por nuk është e vërtetë. Ai bëri tampon dhe rezultoi pozitiv.

Unë nuk e di për Ibrën, port e Milani pozitiv ka rezultuar edhe Kesi. Meqenëse ai udhëtoi nga Afrika së bashku me Zhervinjon, u karantinua edhe ky i fundit.”, u shpreh Brambati.

PANORAMASPORT.AL

 

NDIQE LIVE "PANORAMA TV" © Panorama.al

Te lidhura