Sokol Cikalleshi është duke kaluar një moment fantastik me skuadrën e Koniasporit në Superligën turke. Bomberi i Kombëtares, realizoi një tjetër gol me peshë, në triumfin 2-1 në javën e dytë të kampionatit, duke ndëshkuar Istanbul Bashakshehirin, klubin që në vitin 2015 investoi 2 milionë euro për ta marrë nga skuadra e RNK Split, futbollistin shqiptar.
Pas ndeshjes, Cikalleshi bëri një status në faqen zyrtare në “Facebook”, duke shkruar: “Çfare emocioni, gol në frymën e fundit dhe fitore! E dashuroj kete sport, e dashuroj kete ekip”.
Këtij shkrimi sulmuesi shqiptar i bashkëngjiti edhe videon e golit të realizuar mbrëmjen e sotme.
PANORAMASPORT.AL
NDIQE LIVE "PANORAMA TV" © Panorama.al
