Nuk mund të mungonin batutat e kryeministrit Edi Rama në pritjen e zhvilluar sot në Pallatin e Brigadave për të festuar miratimin me konsensus historik të reformës në drejtësi.
Ai ka përfituar nga fjala e deputetes socialiste Vasilika Hysi dhe shpeshherë e ka ndërprerë me humor.
Hysi vlerësoi rolin e ekspertëve të OPDAT dhe EURALIUS për reformën në drejtësi, teksa Rama në këtë moment ndërhyri dhe kujtoi se “kur vinte Vasilika në mbledhje grupi e lodhur e më thoshte më kanë mbajtur pa gjumë Jon (Jon Smibert) dhe Rainer (Rainer Deville), doja me i thënë të paskan shkatërru fare”, tha Rama.
Deputetja vijoi të falenderonte ekspertët dhe tha se “kemi përfituar shumë nga këmbëngulja e Jon dhe qetësia e Rainer”.
