Reali i Madridit ka siguruar kalimin për në fazën e 1/8-ve në Ligën e Kampioneve, teksa ka mposhtur Atalantën edhe në ndeshjen e kthimit me rezultatin 3-1, duke u kualifikuar kështu me rezultatin e përgjithshëm 4-1, pasi kishin fituar edhe në ndeshjen e parë me rezultatin.
Italianët e nisën mirë ndeshjen, duke krijuar disa raste shënimi, por nuk ia dolën t’i finalizonin me sukses. Nga kjo përfitoi Reali që u hodh në sulm, teksa gjeti edhe golin e avantazhit në minutën e 34’ me Karim Benzema, i cili përfitoi nga një gabim i portierit Sportielo dhe mbrojtësit Toloi për ta dërguar topin në fundin e rrjetës. Ky gol duket se e tronditi skuadrën e Gasperinit, që dukej e pafuqishme për të reaguar.
Në minutën e 59’, Ramos dyfishoi shifrat, duke shënuar nga penalltia. Muriel shënoi një supergol në minutën e 83’ nga goditja e dënimit, duke rihapur sfidën, por kjo zgjati vetëm dy minuta, pasi në minutën e 85’, Asensio vulosi sfidën.
FT| REAL MADRID-ATALANTA 3-1
Benzema 34′, Ramos 59′, Asensio 85’/ Muriel 83′
FORMACIONET ZYRTARE:
Real Madrid: Kurtua, Ramos, Varan, Naço, Mendi, Valverde, Kros, Modriç, Lukas Vaskez, Benzema, Vinicius. Trajner: Z. Zidan
Atalanta: Sportielo, Romero, Gjimshiti, Toli, Maehle, Gozens, Pesina, De Run, Pashaliç, Malinovski, Muriel. Trajner: Xh. Gasperini
PANORAMASPORT.AL
NDIQE LIVE "PANORAMA TV" © Panorama.al