Një aksident fatal i ka marrë jetën një të riu shqiptar në Itali. Aksidenti rrugor ka ndodhur në aksin Siena-Bettole sot rreth orës 15:30.
Klodi Serra, 39 vjeç, banues në Perugia, po drejtonte një furgon “Renault Kangoo” dhe humbi kontrollin e automjetit.
Furgoni u përplas me mbrojtëset e rrugës, dhe kur mbërriti ambulanca, mjekët nuk kishin se çfarë të bënin.
Pas aksidentit, policia ka bllokuar përkohësisht rrugën duke e devijuar qarkullimin në një rrugë dytësore.
39-vjeçari punonte si shofer dhe ishte i martuar dhe me dy fëmijë.
