UPDATE/ Efektivi Ilir Nano, i Patrullës së Përgjithshme i Komisariatit të Policisë Berat, i vetëvrarë me armën e shërbimit mbrëmjen e sotme, është baba i dy fëmijëve. Teksa nuk dihen ende motivet e kësaj ngjarjeje të rëndë, 41-vjeçari thuhet se ka vrarë veten në trotuar, në një nga rrugicat e lagjes, 200 metra larg lumit Osum.
Ngjarja ka ndodhur në lagjen “Çlirim” rreth orës 20:30, jashtë orarit të shërbimit.
Policia ka nisur hetimet për zbardhjen e ngjarjes, teksa mësohet se efektivi i ka dhënë fund jetës me një plumb në gojë.
Në vendngjarje ka shkuar grupi hetimor dhe Prokurori.