Një babai tre fëmijëve i ka dhënë fund jetës, duke u vetëvarur në një pemë pranë banesës ku jetonte në kushte të mjerueshme.
Fluturim Cuku, 41 vjeç banues në fshatin Sutaj të Prrenjasit, është gjetur i pajetë nga familjarët e tij i varur në një pemë jo shumë larg banesës.
Shkak mendohet të kenë qenë kushtet tejet të vështira ekonomike në të cilën jeton familja e tij. Burime zyrtare nga bashkia e Prrenjasit bënë me dije se shtetasi Fluturim Cuku prej kohësh rezultonte i papunë dhe jetonte me borxhe.
Situata në familjen e tij ishte përkeqësuar së tepërmi edhe për shkak se dy familjarë të tij, nëna dhe bashkëshortja janë të sëmura.
Familja Cuku ishte debitore edhe ndaj OSHSEE Librazhd, e cila për shkak të moslikujdimit të faturave të shumta ai kishte ndërprerë prej disa muajsh edhe furnizimim me energji.
Me gjithë përpjekjet e pafundme për të siguruar mbijetesën e familjes, Cuku nuk ka gjetur as mbështetjen më minimale.
Energjia në familjen Cuku është rikthyer vetëm pas vetëflijimit të tij me këmbënguljen e kryetares së bashkisë Prrenjas, Miranda Rira, e cila ka garantuar likuidimin e debisë.
NDIQE LIVE "PANORAMA TV" © Panorama.al