UPDATE/ Tenton t’i jape fund jetes pas takimit me kryekomunarin e Novoseles, tek i cili u ankua se vleresuesit e demeve nuk kane shkuar ne banesen e saj te permbytur nga vershimi i ujerav ete Vjoses.
Sipas djalit të saj, Ledio Miho, e ëma, Dhurata Miho, është vetëhelmuar pasi ka pirë një sasi ilaçesh, qetësues. Ajo është dërguar në spitalin e Vlorës ku po merr mjekimin, por mesohet se ndodhet jashte rrezikut per jeten.
Sipas Ledios, mamanë ai e ka gjetur të shtrirë në shtrat me një pako ilaçe, qetësuse në dorë, të cilat i kishte pirë të gjitha. “Ishte shtrirë dhe nuk fliste dot më. E mora dhe e çova në spital”,- është shprehur djali i Dhurata Mihos, për korespondentin e Panorama Online.
Mësohet se ngjarja ka ndodhur rreth orës 15:00. Paraditen e sotme, Dhurata ka qenë së bashku me djalin e saj në Komunë, dhe ka debatuar me kryetarin e komunës së Novoselës, përse në shtëpinë e saj nuk kanë ardhur më vlerësuesit e dëmeve të përmbytjeve. Ajo ka kërkuar ndihma si një nga të prekurat e përmbytjeve të kohëve të fundit që përfshinë vendin.
Debatin mes Mihos dhe kryetarit të komunës e ka konfirmuar djali i saj, Ledio, i cili, siç raporton korespondenti ynë në Vlorë, ka qenë i pranishëm në takim.
Mësohet se nga kryetari, Dhurata ka marrë përgjigjen se specialistët janë ende në terren, ndërsa i është thënë se vlerësuesit kur kanë ardhur në shtëpinë e Dhuratës, nuk e kanë gjetur atë në shtëpi.
Miho është banorja e fshatit Fitore e cila denoncoi grupin e specialistëve të vlerësimit të dëmeve të cilët u dehën me pije alkoolike teksa punonin për të vlerësuar dëmet e shkaktuara nga përmbytjet.
Sipas saj grupi i vlerësuesve që u paraqit në banesën e saj nuk ishte në gjendje të kthjellët, por të dehur, me birra në dorë dhe nuk dinin se cfarë flisin.
Denoncoi komisionerët e dehur, banorja ende pa asnjë ndihmë
NDIQE LIVE "PANORAMA TV" © Panorama.al