Vendosja e vizave ndaj rusëve për të hyrë në BE/ Çekia mbështet propozimin: Janë agresorë mbi Ukrainën, po bëjnë terrorizëm

Aug 20, 2022 | 20:51
SHPËRNDAJE

Komisioni i Senatit për Politikën e Jashtme, Mbrojtjen dhe Sigurinë dhe Komiteti i Politikës së Jashtme të Parlamentit të Republikës Çeke kanë mbështetur idenë e pezullimit të dhënies së vizave nga vendet anëtare të BE-së për të gjithë shtetasit rusë. Propozimi dhe vendimi pritet të diskutohet nga ministrat e BE-së në një takim në Pragë në fund të gushtit.pexels-tima-miroshnichenko-7009468

Pas pushtimit rus të Ukrainës, Republika Çeke ndaloi plotësisht lëshimin e vizave afatshkurtra për rusët, me përjashtim të atyre humanitare. Një numër vendesh të tjera të BE-së gjithashtu pezulluan vizat për rusët. Ministri i Punëve të Jashtme Jan Lipavsky tha se Republika Çeke, e cila kryeson gjashtëmujorin aktual në Këshillin e Bashkimit Evropian, është në favor të ndalimit të dhënies së vizave për rusët nga vendet e BE-së. Pavel Fischer, kreu i politikës së jashtme, mbrojtjes dhe sigurisë, foli në favor të kufizimeve të vizave për rusët.

“Kërkimi i vizës dhe mundësia për të udhëtuar në vendet e Shengenit është një privilegj për qytetarët e Rusisë – një vend që angazhohet në agresion ushtarak dhe terrorizëm bërthamor në Zaporizhia”, tha ai. “Është turp sa para shpenzojnë rusët, pronat e të cilëve mund të kenë origjinë kriminale, për mallra luksoze në Berlin dhe Paris”.

Ai e konsideron “të turpshme” që disa vende të BE-së ende ofrojnë investitorë të mëdhenj nga Rusia për të marrë nënshtetësinë ose të drejtat e qëndrimit.

“Kjo duhet të ndalet! Meqë ra fjala, banesat në të cilat ata kanë investuar në Republikën Çeke duhet të tatohen tërësisht”, shtoi Fischer.

Në të njëjtën kohë, ai beson se rusët që kanë nevojë për ndihmë mund të aplikojnë për azil ose mbrojtje ndërkombëtare në Republikën Çeke.

Ndërkohë, kancelari gjerman Olaf Scholz kundërshton vendosjen e sanksioneve për viza, duke besuar se kundërshtarëve të regjimit të Kremlinit duhet t’u ofrohet mundësia të largohen nga Rusia. Të njëjtin qëndrim mbajnë Greqia dhe Qiproja.

NDIQE LIVE "PANORAMA TV" © Panorama.al

Te lidhura