Deputeti i opozitës, Dashamir Shehi përshëndet vendimin e qeverisë për mbylljen e lojërave të fatit. I ftuar në studion e lajmeve të Ora News me gazetaren Beti Njuma, Shehi tha se nëse kjo gjë do të realizohet, ai do të jetë i pari që do ta falenderojë kryeministrin.
Dashamir Shehi: Përtej rastit që është i vonuar, më mirë vonë se kurrë, unë për vete e aprovoj me të dyja duart. Por, rri me shpresën që këto që po thotë të jenë të sinqerta, nuk janë pjesë e ndonjë skeme që ai mendon vazhdimisht. Shpresoj që atë që tha se nuk do të ketë as monopol online, do të mbyllen dhe këto. Nëse mbyllen ato që janë në rrugë dhe bëjmë shumë mirë për këtë, e përshëndes për këtë punë dhe paratë e këtyre luhen në kompjuter është po e njëjta gjë, madje është pak me keq se mirë keq ai sektor kishte krijuar nja 10 mijë vende pune që është vështirë të rikuperohen. Diçka paguhesh edhe me korrupsionin e madh në buxhet të shtetit. Nëse do ta transferojnë në ndonjë linjë online ku paratë i marrin të huaj dhe 2-3 në Shqipëri kjo do të jetë shumë e turpshme. Por, unë shpresoj që përtej zullumeve që ka bërë që ky ti mbylli. Ditën që t’i mbyllë unë do ti them i pari faleminderit.
Por Shehi foli me rezerva për paketën antishpifje të propozuar nga kryeministri Rama.
Shehi: Ligjin antishpifje për mua le ta bëjë nga mëngjesi deri në darkë, është një ligj që të bën për të qeshur dhe unë besoj se nuk ka për ta bërë dot. Ai ligji në radhë të parë do dënojë këtë person, s’ka për ta dënuar në Shqipëri, se këto nuk zbatohen ligjet, por do ta bëjë me trup, sepse ky është personazhi që përdor tallje dhe shpifje për opozitën. kështu që ai ligji antishpifje do t’i kujtojë ligjin 55./OraNews
NDIQE LIVE "PANORAMA TV" © Panorama.al
