U miratuan sot në Kuvendin e Shqipërisë disa projektligje dhe projektvendime. Me 85 vota pro u miratua projektligji “Për Licencat, autorizimet dhe lejet në Republikën e Shqipërisë, të ndryshuar”.
Po ashtu me 84 vota pro mori OK-in në Kuvend projektvendimi i Këshillit të Ministrave për emërim si anëtarë të Komisionit të Prokurimit Publik të Kreshnik Ternovas, Fiorent Zguros dhe Anila Malajt.
Projektligji për licencat autorizimet dhe lejet lidhet me shtimin e një fushe dhe dy kategori.
Konkretisht shtohet fusha teknologji financiare dhe kategoritë “Shërbime të lidhura me tregjet financiare të bazuara në teknologjinë e regjistrave të shpërndarë” dhe “Shërbime të teknologjisë dhe komunikimit”. Licencat për këto kategori lëshohen nga AMF dhe AKSH-i.
