Ndonëse nuk duken shenja për një takim ballafaques mes dy kandidatëve kryesorë për Bashkinë e Tiranës, nuk ka munguar një takim rastësor mes tyre dhe madje edhe një shtrëngim duarsh e buzëqeshje.
Kandidati i shumicës, Erion Veliaj dhe ai i PD-së, Halim Kosova janë takuar me njeri -tjetrin gjate konferences “Sfida dhe mundesite per Tiranen”.
Takimi mes tyre është bërë në nisje të konferencës, kur kandidatët nuk kanë kursyer shtrëngimin e duarve dhe disa fjalë mes tyre.
Veliaj ka qenë në këtë takim i shoqëruar nga zëvendsministri i Arsimit, Mazniku, ndërsa Kosova nga deputetja Jorida Tabaku. Pas takimit, kandidatët kanë shtrënguar duart edhe me shoqëruesit e secilit.
Në konferencë, cdo kanididat në garë për Tiranën ka shpalosur platformën e vet, me të cilën edhe kërkojnë votën e qytetarëve më 21 qershor.
Batutat
Halim Kosova: Si je, mirë?
Erjon Veliaj: Si të shkojnë punët?
Halim Kosova: Dëgjo një minutë. Që të mos heqësh sikletin që hoqa unë atë mikrofonin mos e vër në vesh, por mbaje në dorë.
Erjon Veliaj: Unë improvizoj gjithmonë.
Veliaj i jep dorën Jorida Tabakut
Erjon Veliaj: Jorid si je ti?
Halim Kosova i flet sërish Veliajt
Halim Kosova: Ke fillu të më ngjash.
Jorida Tabaku: Edhe improvizon, edhe sajon. Hajde.
Erjon Veliaj: Se di, por te lagjja jote kam thënë të vërtetën.
Jorida Tabaku: Jo jo. Te imja jo njëherë.
NDIQE LIVE "PANORAMA TV" © Panorama.al