Vdes Peshkopi i Kishës Ortodokse Serbe në Mal të Zi pasi u prek nga…

Oct 30, 2020 | 18:40
SHPËRNDAJE

Kreu i kishës ortodokse serbe në Mal të Zi, peshkopi Amfilohije, i cili kishte udhëhequr protestat disa mujore kundër qeverisë pro-perëndimore malazeze, vdiq në spital pas infektimit me koronavirus.

63412760-83F8-45FE-A46E-603AFD3666D9_w1023_r1_s

Mjekët njoftuan se gjendja shëndetësore e peshkopit Amofilohije, 82 vjeçar, u përkeqësua të enjten pas problemeve me frymëmarrje dhe dhimbjeve në gjoks.

Ai ishte shtruar në një spital të Podgoricës, pasi u testua pozitiv për COVID-19.

Para zgjedhjeve parlamentare të gushtit, kisha serbe e drejtuar nga kleriku Amofilohije organizoi protesta për muaj të tërë kundër një ligji për pronën të miratuar nga parlamenti në dhjetor.

Kisha pro-ruse prentendon se ligji e lejonte shtetin malazez të konfiskonte pronat e saj, gjë që sipas tyre ishte hapi i parë drejt krijimit të një kishe të veçantë malazeze.

Kjo është mohuar nga qeveria.

Protestat, disa prej të cilave u mbajtën në kundërshtim me udhëzimet shtetërore për grumbullimet publike gjatë pandemisë, mobilizuan opozitën, e cila fitoi zgjedhjet e gushtit me rezultat të ngushtë.

Kleriku Amfilohije, i njohur për pikëpamjet e tij politike anti-perëndimore dhe pro-ruse, luajti rol kryesor në udhëheqjen e protestave anti-qeveritare dhe krijimin e një koalicioni opozitar që aktualisht po mundohet të formojë qeverinë e re të vendit.

Amfilohije dikur tha se myslimanët janë “një popull i rremë me një fe të rreme”. Ai ishte i njohur edhe për deklaratat e tij të shpeshta kundër komunitetit LGBT dhe barazisë gjinore.

NDIQE LIVE "PANORAMA TV" © Panorama.al

Te lidhura