Figura kryesore fetare e Serbisë është infektuar nga koronavirusi, disa ditë pasi mori pjesë në një funeral të madh publik për një peshkop në moshë, i cili vdiq nga Covid-19.
Patriarku Irinej, kreu 90-vjeçar i Kishës Ortodokse Serbe, u shtrua në spital të mërkurën. Ai udhëhoqi funeralin e klerikut më të vjetër të kishës në Malin e Zi, 82-vjeçarin Amfilohije Radovic, të dielën.
Vajtuesit u mblodhën në veprimtari pa maska dhe shumë puthën trupin e peshkopit ndërsa ishte shtrirë në një arkivol të hapur.
Kjo ishte megjithë një rritje të madhe në rastet e koronavirusit në Serbi dhe Mal të Zi dhe një paralajmërim nga autoritetet se ngjarja paraqiste një rrezik për shëndetin publik.
Amfilohije, i cili vdiq të premten, përshkroi pelegrinazhet si “vaksina e Zotit” dhe shmangu mbajtjen e një maske.
Ashtu si Patriarku Irinej, disa njerëz të tjerë që morën pjesë në varrim besohet të jenë prekur Covid-19. Pasardhësi i Amfilohije, ndërkohë, u tha se vuante me “pneumoni të lehtë”.
Kryeministri i caktuar i Malit të Zi, Zdravko Krivokapic dhe presidenti i Serbisë gjithashtu morën pjesë në ceremoninë në Podgoricë.
“Shenjtëria e tij është shtruar në një spital Covid-19 në Beograd,” tha zyra e Patriach Irinej në një deklaratë. “[Ai mbetet] pa simptoma dhe është në shëndet të shkëlqyeshëm.”
NDIQE LIVE "PANORAMA TV" © Panorama.al
