Ushtarët gjejnë të moshuar të vdekur të braktisur në Spanjë, reagojnë shtëpitë e kujdesit: Varrmihësit nuk po përballojnë dot fluksin

| 20:05
SHPËRNDAJE

Dy murgesha janë mes 23 njerëzve të raportuar të vdekur nga një tjetër tragjedi në një institut kujdesi për të moshuarit në Madrid, Spanjë. Shtëpia rezidencë quhej “Santisima Virgen y San Celedonio” në rajonin “Chamartin” të Madridit. Murgeshat jetonin në atë rezidencë të drejtuar nga një fondacion jo-fitimprurës, ku qëndronin rreth 150 vetë.

26392520-8151487-image-a-27_1585143713129

Ushtarët që po ndihmojnë Spanjën të trajtojë pandeminë e koronavirusit duke dezinfektuar shtëpitë e kujdesit, kanë gjetur një numër të moshuarish të braktisur dhe të vdekur në shtretërit e tyre, sipas ministres spanjolle të Mbrojtjes.

Ministrja e Mbrojtjes, Margarita Robles, tha se anëtarët e Njësisë së Specializuar të Emergjencave Ushtarake kishin gjetur kufomat ndërsa kryenin detyrat e tyre.

“Gjatë disa prej vizitave, ushtria ka parë disa të moshuar krejtësisht të braktisur, madje disa që kishin vdekur në shtretërit e tyre. Një trajtim i tillë çnjerëzor nuk do të tolerohet dhe kushdo që injoron përgjegjësitë e tij do të ndiqet penalisht. Ne do të jemi shumë të prerë dhe kemi një mesazh shumë të qartë: pesha e plotë e ligjit do të bjerë mbi ata që nuk i përmbushin detyrimet e tyre”, tha ajo.

Komentet e saj janë kritikuar nga punëtorë të vjetër të rezidencave me të moshuar, të cilët thonë se problemi është se varrmihësit nuk mund të përballonin numrin e të vdekurve dhe nuk i marrin përsipër varrimet. Disa nga banorët kanë vdekur në spital dhe të tjerët në shtëpi. Nuk ka sugjerime për ndonjë keqbërje nga ana e menaxherëve të shtëpive të kujdesit.

Një incident i ngjashëm i mëparshëm ndodhi më 17 mars në rezidencën “Monte Hermoso” në Madrid, afër parkut më të madh të kryeqytetit spanjoll, ku 19 banorë të moshuar humbën jetën.

Te lidhura

Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

Comments are closed.