Urinimi gjatë marrëdhënies seksuale është diçka mjaft e zakonshme sipas ekspertëve, raporton “The Sun”.
Fizioterapistja Amanda Savage tha:
“Disa gra mund të urinojnë në momente të ndryshme të përvojës së tyre seksuale. Ndërsa disa mund ta hasin këtë në të gjitha rastet, të tjerat mendojnë se kjo i prek vetëm teksa arrijnë orgazmën, dhe disa të tjera mund t’i kenë të dyja.
Mos mbajtja e urinës nga stresi ka të bëjë më shumë me presionin që i ushtrohet fshikëzës dhe legenit nga aktiviteti. Kjo mund të ndodhë nga diçka e parëndësishme si teshtitja, kollitja, qeshja … ose në këtë rast, seksi“.
Çfarë mund të bëni për urinimin gjatë seksit?
- Flisni
Amanda sugjeron që një nga gjërat më të mira që mund të bëjmë është të flasim me partnerin tonë.
Hulumtimi i mëparshëm i publikuar nga ekspertët në Tajvan zbuloi se vetëm nëntë për qind e njerëzve flisnin hapur me partnerin e tyre në lidhje me gjendjen.
“Mos harroni se komunikimi me partnerin tuaj është absolutisht jetik. Të qenit i hapur dhe i sinqertë në lidhje me çrregullimin do t’ju ndihmojë të jeni më rehatë dhe ta bëni përvojën seksuale edhe më të këndshme”.
- Bëni seks në dush
Është e rëndësishme të mos lejoni që një përvojë e keqe të dëmtojë jetën tuaj seksuale.
Amanda sugjeron të bëni seks në dush pasi kjo largon çdo shqetësim nga urinimi për shkak se uji do të largojë çdo gjë.
- Urinoni para seksit
Amanda shpjegoi se ju duhet të zbrazni fshikëzën para dhe pasi të keni kryer marrëdhënie seksuale, pasi kjo parandalon edhe infeksionet.
- Mos urinoni në dush
Një mjek kohët e fundit zbuloi se urinimi në dush mund të dëmtojë muskujt e legenit, prandaj kjo nuk është aspak diçka e shëndetshme.
NDIQE LIVE "PANORAMA TV" © Panorama.al