Nuk ka fjale te pershkruaje dhimbjen e madhe ne ceremonine e lamtumires per 8 viktimat e dy familjeve Zykaj, vrare nga kusheriri i tyre, Ritvan Zykaj, 24 vjec, tashme i arrestuar.
Gazetarja e “Panorama”, raporton se ata do te varrosen ne tokat e tyre, sipas nje amaneti qe kishte lene edhe gjyshi, Demiri.
Ne varrim ka pjesemarrje nga tere fshati, i cili eshte pllakosur nga dhimbja e madhe per kete ngjarje teper te rende. 
Masakra me 8 viktima/ Braktiset banesa e autorit, kujë në shtëpinë e Sarës e Ledjonit
Familja e Ridvan Zykajt dhe viktimave të shtëpisë së Demir Zykajt ndodheshin përballë njëra-tjetrës në fshatin Resulaj të Selenicës. Tek e para ka pllakosur heshtja absolute, ndërsa tek e dyta vaji ka shpërthyer dyert.
Në banesën ku vrasësi Ridvan Zykaj jetonte me prindërit, motrën dhe vëllain, asgjë nuk është prekur, gjithçka është lënë si ditën e djeshme para gjëmës. Rrobat e ndera në tel nuk janë mbledhur, ndërsa porta e jashtme është e hapur dhe kushdo mund të hyjë brenda.
Gazetari Enrik Mehmet që ndodhet në Resulaj prej ditës së djeshme ka sjellë për “BalkanWeb” panoramën e rrugës ku ndodhi ngjarja. Pak hapa larg, përballë shtëpisë së 24-vjeçarit Ridvan Zykaj ndodhet banesa e Sarës e Ledjonit dhe gjyshërve të tyre. Dyert janë të hapura e njerëz me të zeza hyjnë e dalin. Kuja dëgjohet prej së largu për 8 njerëzit e një familjeje që mbyllën derën.
Ridvan Zykaj u kap në periferi të Selenicës mëngjesin e sotëm nga policia. Gazetari Enrik Mehmeti raportoi për “BalkanWeb” se ai ndodhej rreth 3 km larg nga banesa e tij në vijë lineare i fshehur në shkurre.
8 njerëz u vranë dje pasdite me kallashnikov nga Ridvan Zykaj, të gjithë pjesëtarë të familjes Zykaj, xhaxhai i babait të autorit me grua dhe familja e djalit të tij. Më të vegjëlit ishin Sara, 17 vjeçe dhe Ledjoni, 9 vjeç.
BW
NDIQE LIVE "PANORAMA TV" © Panorama.al
