Ukraina heton 41 ushtarë rusë për krime lufte ndaj popullit të saj

May 13, 2022 | 22:10
SHPËRNDAJE

Oficerët e zbatimit të ligjit në Ukrainë po hetojnë 41 ushtarakë rusë të dyshuar se kanë kryer krime lufte në vend.

_124726947_mediaitem124726946

Prokurorja e Përgjithshme Iryna Venediktova tha se të dyshuarit do të hetohen për një sërë krimesh – nga bombardimi i infrastrukturës civile, vrasja e civilëve, përdhunimet dhe plaçkitjet, raporton agjencia e lajmeve Interfax-Ukraine.

Sipas saj, të dyshuarit do të përgjigjen përpara një gjykate ukrainase, shtoi ajo. Ndërsa tashmë një ushtar rus i akuzuar për vrasjen e një civili 62-vjeçar të paarmatosur doli para gjykatës në Kiev.

21 vjeçari Vadim Shishimarin, u soll në gjykatë për një seancë paraprake teksa do të përballet me burgim të përjetshëm për akuzat për krime lufte dhe vrasje me paramendim.

4bba7043-fa60-4f54-80d1-25b11a750da4

Gjatë një fjalimi televiziv të premten në mbrëmje, Venediktova tha se seancat dëgjimore paraprake për dy të dyshuar të tjerë do të kryhen javën e ardhshme.

© Panorama.al

Te lidhura