Udhëtimet mijëra euroshe jashtë vendit të deputetëve, kush janë ata që shpenzuan më shumë

SHPËRNDAJE

Mungojnë shpesh në seanca, por kur vjen puna për udhëtime jashtë vendit janë të parët. Edhe në këtë legjislaturë, udhëtimet zyrtare të deputetëve të Kuvendit të Kosovës e kanë “tkurrur” buxhetin e shtetit më të varfër në rajon për mijëra euro, shkruan Gazeta Express.

kuvendi_1533223317-7502238

Listës prej pesë deputetëve që kanë udhëtuar më së shumti i prin deputeti nga radhët e PDK-së, Xhavit Haliti, e përfundon nga mbesa e Presidentit Thaçi, Evgjeni Thaçi- Dragusha.

Vetëm për udhëtimet e këtyre dy deputetëve janë ndarë 3 mijë e 195 euro. Haliti ka udhëtuar katër herë, ndërsa Thaçi- Dragusha dy herë.

Të tjerë deputetë që kanë realizuar kogja udhëtime zyrtare janë edhe Fikrim Damka, Mufera Srbica-Sinik dhe Slobodan Petrovic. 7 mijë e 159 euro kanë shpenzuar vetëm këta pesë deputetë në udhëtime.

Krejt kjo sipas të dhënave që janë marrë nga platforma për udhëtimet e deputëteve që ka lansuar Instituti Demokratik i Kosovës(KDI).

Në bazë të të dhënave në këtë platformë vendet që janë vizituar më së shumti nga deputetët janë Shqipëria, Belgjika. Përveq këtyre vendeve, deputetët kanë vizituar kogja shumë edhe Slloveninë dhe Francën.

Gjersa, prej partive me numrin më të madh të udhëtimeve renditet PDK-ja, pasuar nga LDK-ja, VV-ja, KDTP-ja dhe AAK-ja. Për udhëtimet e deputetëve nga këto pesë parti, nga buxheti i shtetit janë marrë hiq më pak se 15 mijë e 747 euro./Gazeta Express

 

Te lidhura

 

Artikulli paraprakAnglia gati të zgjasë kontratën me trajnerin, mund të shkojë përtej 2020
Artikulli tjetërHap pas hapi me pikturën e Simon Rrotës: Pikturat e humbura dhe Padiglione dell`Albania

S'KA KOMENTE

Comments are closed.