Presidenti Ilir Meta ka uruar kryeministrin shqiptar të Malit të Zi Dritan Abazoviç për zgjedhjen në këtë post.
Meta shprehet se është shpresëplotë se marrëdhëniet mes dy vendeve tani do të fuqizohen akoma më shumë.
Kreu i shtetit shprehet se progresi i Malit të Zi është i rëndësishëm për të gjithë shqiptarët që jetojnë atje.
“Urime të përzemërta dhe shumë suksese z.Dritan Abazoviç për zgjedhjen në detyrën e lartë të Kryeministrit të Malit të Zi. Shpresëplotë se marrëdhëniet e shkëlqyera miqësore mes dy shteteve tona do të fuqizohen akoma më shumë në interes të popujve tanë.
Progresi i Malit të Zi dhe avancimi në proceset integruese janë shumë të rëndësishme për të gjithë shqiptarët që jetojnë atje, për të ardhmen e përbashkët europiane, si edhe për forcimin e paqes, sigurisë dhe stabilitetit në rajonin tonë”, shkruan presidenti.
NDIQE LIVE "PANORAMA TV" © Panorama.al
