Prokuroria e Krimeve të Rënda ka nisur paraditen e sotme hetimet për veprimet e kryera nga Policia pas vrasjes së kreut të FNSH-së, Simon Gjeta.
Burime nga organi i akuzës bëjnë të ditur se do të verifikohet nëse lëvizjet e uniformave blu gjatë gjithë ditës së djeshme kanë qenë në përputhje me planin operacional të parashikuar më parë për kapjen e Ruzhdi Arishtës.
Mësohet gjithashtu se prej mbrëmjes së djeshme në Shkodër ndodhet Besim Hajdarmata nga Prokuroria e Krimeve të Rënda si dhe dy oficerë të cilët po bëjnë këqyrjen e vendit të ngjarjes dhe nxjerrjen e përfundimeve.
NDIQE LIVE "PANORAMA TV" © Panorama.al