Ylli i televizionit, Kylie Jenner ka treguar se as ajo vetë nuk e di gjininë e foshnjës së dytë që po pret të sjellë në jetë. 24-vjeçarja foli për herë të parë pas thashethemeve se ajo po pret një djalë, teksa ishte e ftuar te “Vogue’s ’73 Questions”.
Kur u pyet nëse e ka zgjedhur emrin për fëmijën që po pret, Kylie tha: “Epo, ne duhet të zbulojmë së pari gjininë, prandaj vendosëm të prisnim.”
Themeluesja e “Kylie Cosmetics” i vuri flakën internetit këtë javë pasi postoi një fotografi të saj dhe vajzës Stormi të veshur me blu për të promovuar linjën së saj të re “Kylie Baby”.
Shumë fansa ishin të bindur se seti fotografik, në të cilin mbizotëronte ngjyra blu, ishte bërë për të treguar edhe gjininë e foshnjës së saj.
Bukuroshja konfirmoi thashethemet se është shtatzënë pak javë më parë, kur publikoi në Instagram-in e saj një video, në të cilën tregonte momentin kur kishte mësuar se është shtatzënë dhe reagimet e familjarëve të saj.
