Sebastian Vall, 21 vjeçari nga Suedia, i kapur pak dite me pare me 19 pistoleta ne Muriqan ka deklaruar ne gjyq se do te bente vetem transportin e tyre.
“News 24” raporton se ai ka treguar se ka udheruar tranzit ne itinerarin Suedi-Turqi-Prishtinë.
“Do bëja vetëm transportin e pistoletave, qëndrova 4 ditë në Prishtinë”- mesohet te kete thene i riu gjate deshmise se dhene. Ai e ka justifikuar kete veprim me pamundesine ekonomike dhe nevojen per te fitar ca para. “E bera, pasi isha i papune, nuk kisha para per studime”- ka thene ai.
Ne diten e arrestimit, policia beri me dije se si rezultat i shtimit të kontrolleve, duke përdorur edhe qentë antidrogë dhe antieksplozivë, është bërë e mundur që të konstatohet dhe goditet rasti i trafikimit të armëve të zjarrit.
“Shërbimet e Policisë Kufitare në PKK Muriqan, bënë arrestimin në flagrancë të shtetasit Sebastian Vall, 21 vjeç, banues në Suedi. Në PKK Muriqan në dalje, gjatë kontrollit të detajuar në vijën e dytë, në çantën e 21- vjeçarit suedez, i cili udhëtonte si pasagjer në autobusin e linjës “Kosovë -Gjermani”, u gjetën dhe u sekuestruan në cilësinë e provës materiale 19 armë zjarri tip “pistoletë”, kalibër 7.65.
NDIQE LIVE "PANORAMA TV" © Panorama.al